HÖFN Í HORNAFIRÐI OG SA-LAND:
Tekið verður á móti skókössum í hvítasunnukirkjunni Lifandi vatn, Hafnarbraut 59, miðvikudaginn 2. nóvember frá kl. 16-18. Þar verður jafnframt hægt að fá aðstoð við að pakka inn kössum í jólapappír.
Tengiliður er Helga (866-5734).

Tekið er á móti skókössum í húsi KFUM og KFUK við Holtaveg 28 alla virka daga frá kl. 9:00 – 17:00. Einnig er hægt að hringja á skrifstofu KFUM á sama tíma í síma 588-8899 til að fá nánari upplýsingar um verkefnið. Einnig erum við með 11 tengiliði fyrir verkefnið úti á landi (sjá undir: Móttökustaðir).  Svo er alltaf hægt að skila skókassa til næsta útibús Flytjanda sem flytur kassann endurgjaldslaust til okkar í Reykjavík (KFUM&KFUK, Holtavegi 28, 104 Rvk).

Við erum komin með nýja síðu (page) á Facebook (sú gamla hvarf!). Endilega klikkið á „líka við“ á síðunni okkar. Leitarorðið er „Jól í skókassa“ og bein slóð er: www.facebook.com/skokassar

Síðan hentar vel fyrir gagnvirk samskipti.

Býrðu ekki á höfuðborgarsvæðinu? Þá minnum við  á http://skokassar.net/mottokustaðir/ þar sem er að finna allar helstu upplýsingar um móttökustaði okkar úti á landi og lokaskiladaga þar. Ef þú býrð ekki nálægt neinum af þessum stöðum er alltaf hægt að skila skókassa til næsta útibús Flytjanda sem flytur kassann endurgjaldslaust til okkar í Reykjavík (KFUM&KFUK, Holtavegi 28, 104 Rvk).

STYKKISHÓLMUR:
Tekið verður á móti skókössum þriðjudaginn 1. nóvember frá kl. 16-19 í Stykkishólmskirkju.
Tengiliður er Ásdís Herrý Ásmundsdóttir (438-1387).

Fyrsti lokaskiladagur Jól í skókassa úti á landsbyggðinni er á morgun á Skagaströnd.

SKAGASTRÖND OG NÁGRENNI:
Tekið verður á móti skókössum í Hólaneskirkju á Skagaströnd laugardaginn 29. október frá kl. 13-17.
Tengiliður er Aðalheiður M. Steindórsdóttir (865-3689).

Jól í skókassa-verkefnið nær nú brátt hámarki, en söfnun skókassa er í fullum gangi í húsi KFUM og KFUK á Holtavegi 28, Reykjavík. Verkefnið er nú framkvæmt áttunda árið í röð og gengur sem fyrr út á að fá fólk á öllum aldri til að útbúa og gefa skókassa í jólapappír með jólaglaðningi, fyrir fátæk og munaðarlaus börn í Úkraínu.

Margir fallegir skókassar með góðum gjöfum hafa borist undanfarið og er einkar ánægjulegt að sjá að gefendur eru á öllum aldri. Margir grunnskólar á landinu taka þátt í verkefninu, og sumir gefenda hafa haft orð á því að þeir hafi verið að safna dóti til að gefa til verkefnisins allt síðasta ár.

Lokaskiladagur Jól í skókassa er laugardagurinn 12.nóvember í Reykjavík, og laugardagurinn 5.nóvember á landsbyggðinni. Upplýsingar um móttökustaði á landsbyggðinni er að finna hér á heimasíðunni (“Móttökustaðir“).

Undanfarin ár hafa skókassar sem borist hafa til Jól í skókassa glatt ótalmörg bágstödd börn í Úkraínu.

Leiðbeiningar um það hvernig útbúa skal skókassa er einnig að finna hér á heimasíðunni (“Upplýsingar“).

Margt smátt gerir eitt stórt!

Biblíuleshópurinn Bleikjan sem staðið hefur fyrir verkefninu Jól í skókassa undanfarin ár óskar nú eftir liðsauka við undirbúning og utanumhald verkefnisins. Áhugasamir hafi samband við Björgu Jónsdóttur (bjorjon(hjá)gmail.com) fyrir 1. október n.k.

Nú hefur Jól í skókassa sett upp síðu (e. page) á Facebook, en hópurinn (e. group) sem var utan um verkefnið áður hefur verið fjarlægður. Það er því um að gera fyrir alla að kíkja á Facebook og “líka” við nýju síðuna. Vefslóðin er: www.facebook.com/skokassar

Nú er undirbúningur fyrir Jól í skókassaverkefnið þetta haustið að fara í fullan gang. Lokaskiladagur verður 12. nóvember milli kl 11-16 í húsi KFUM og KFUK við Holtaveg í Reykjavík, en nánari upplýsingar um aðra skilastaði kemur síðar.

Kynningarbæklingur fyrir verkefnið er væntanlegur úr prentun eftir þessa helgi. En hægt verður að nálgast eintök í KFUM og KFUK húsinu. Einnig er hægt að sækja bæklinginn á pdf formi hér - http://skokassar.net/skokassar-low.pdf.