Jól í skókassa » Söfnun

Lokatala fyrir árið 2011 er 4.175 kassar!!

jol@skokassar.net — Tue, 15 Nov 2011 23:55:02 +0000

Í kvöld mættum við nokkur á Holtaveginn í hús KFUM&KFUK til að fara yfir kassa sem að bárust of seint. Búið er að fylla gáminn, nánast troðfylla hann, loka honum og læsa. Á morgun fer hann í sitt langa ferðalag austur til Úkraínu. Lokatala fyrir árið 2011 er 4.175 kassar. Við erum mjög ánægð með þá tölu, þetta er tæplega 500 kössum meira en við fengum í fyrra. Kærar þakkir enn og aftur fyrir að taka þátt og gefa jólagjafir til þeirra sem að minna mega sín. Og svo mun verkefnið að sjálfsögðu verða í boði aftur næsta haust

Kærar þakkir!

jol@skokassar.net — Sun, 13 Nov 2011 16:08:04 +0000

Það myndaðist nánast öngþveiti við Holtaveginn í gær þegar fjöldi manna lagði leið sína í hús KFUM&KFUK í Laugardalnum til að skila skókössum með jólagjöfum fyrir börn í Úkraínu. Það var mikil stemning og dagurinn gekk mjög vel. Við sem stöndum að verkefninu unnum til kl. 1 í nótt og þá var búið að koma 3.954 kössum í gáminn og ganga frá húsinu. Við eigum samt von á nokkrum kössum til viðbótar eftir helgi frá nokkrum sem að gleymdu sér. Þá kemur endanleg tala í ljós. Við viljum þakka öllum þeim sjálfboðaliðum sem lögðu hönd á plóg við verkefnið og þeim sem að studdu það á einn eða annan hátt. Og síðast en ekki síst viljum við þakka öllum þeim sem að gáfu gjöf til Jól í skókassa í ár Við erum mjög þakklát fyrir gjafir ykkar.

Frábær dagur að baki

Kerfisstjóri — Sun, 13 Nov 2011 12:35:51 +0000

Lokaskiladagur Jóla í skókassa gekk framar vonum og í lok dagsins var búið að ganga frá 3954 jólagjöfum til barna í Úkraínu. Það voru glaðir en þreyttir aðstandendur verkefnisins sem héldu heim seint í gærkvöldi með þakklæti í hjarta til allra þeirra sem tóku þátt í verkefninu í ár.

Síðasti skiladagur Jól í skókassa er í dag, laugardaginn 12. nóvember

jol@skokassar.net — Sat, 12 Nov 2011 09:30:57 +0000

Í dag, laugardaginn 12. nóvember, er síðasti skiladagur fyrir verkefnið þetta árið. Þá er hægt að koma í hús KFUM&KFUK við Holtaveg 28, milli kl. 11:00 og 16:00, og skila skókassa. Þar mun fara fram sérstök myndasýning sem sýnir feril verkefnisins, léttar veitingar verða í boði í kaffiteríunni og hægt verður að setjast niður og lesa ferðasögur frá dreifingu kassanna frá liðnum árum. Allir eru hjartanlega velkomnir og við hlökkum til að sjá og hitta þá sem að sjá sér fært að mæta til okkar á síðasta móttökudeginum okkar.

Síðasti skiladagur Jól í skókassa er á morgun, laugardaginn 12. nóvember

jol@skokassar.net — Fri, 11 Nov 2011 20:10:55 +0000

Í dag, föstudag, hefur mikið verið að gerast í húsi KFUM&KFUK við Holtaveg. Hingað hafa streymt hópar frá grunn- og leikskólum með skókassa með jólagjöfum fyrir börnin og unglingana í Úkraínu. Meðal annars komu hópar frá leikskólunum Vinagarði og Regnboganum, og einnig fengum við heimsókn frá Mýrarhúsaskóla, Waldorfskólanum og Ölduselsskóla.

Á morgun, laugardaginn 12. nóvember, er síðasti skiladagur fyrir verkefnið þetta árið. Þá er hægt að koma í hús KFUM&KFUK við Holtaveg 28, milli kl. 11:00 og 16:00, og skila skókassa. Þar mun fara fram sérstök myndasýning sem sýnir feril verkefnisins, léttar veitingar verða í boði í kaffiteríunni og hægt verður að setjast niður og lesa ferðasögur frá dreifingu kassanna frá liðnum árum. Allir eru hjartanlega velkomnir og við hlökkum til að sjá og hitta þá sem að sjá sér fært að mæta til okkar á síðasta móttökudeginum okkar.

Síðasti skiladagur á Suðurnesjum er í dag, föstudaginn 11. nóvember

jol@skokassar.net — Fri, 11 Nov 2011 00:31:34 +0000

Vikan hefur liðið hratt og kassarnir streyma inn í aðalstöðvar KFUM&KFUK á Íslandi á Holtaveginum. Bæði eru einstaklingar að koma með skókassa og svo erum við líka að fá sendingar frá tengiliðum okkar úti á landi. Við höfum verið að vinna öll kvöld þessarar viku við að ganga frá kössum. Nú er búið að fara yfir u.þ.b. 1.000 kassa. Síðasti skiladagur í Reykjavík er á laugardaginn en hins vegar er síðasti skiladagur í dag á Suðurnesjum, og er það síðasti skiladagur úti á landi.

SUÐURNES:
Tekið verður á móti skókössum í húsi KFUM og KFUK í Reykjanesbæ, Hátúni 36, föstudaginn 11. nóvember frá 15-17.
Tengiliður er Brynja Eiríksdóttir (845-4531/421-5678).

Síðasti skiladagur á Akranesi er í dag, miðvikudaginn 9. nóvember

jol@skokassar.net — Wed, 09 Nov 2011 11:59:05 +0000

AKRANES:
Hægt verður að skila skókössum í húsi KFUM&KFUK, Garðabraut 1. Síðasti skiladagur er miðvikudagurinn 9. nóvember frá kl. 18:00-19:30.
Tengiliður er Irena Rut Jónsdóttir (868-1383).

Síðasti skiladagur á Selfossi er á morgun, miðvikudaginn 9. nóvember

jol@skokassar.net — Tue, 08 Nov 2011 08:46:22 +0000

SELFOSS:
Tekið verður á móti skókössum í Selfosskirkju. Hún er að jafnaði opin alla virka daga milli kl. 9:00 og 13. Síðasti skiladagur er miðvikudagurinn 9. nóvember.
Tengiliður er Ninna Sif Svavarsdóttir (849-1321)

Fjórir dagar í síðasta skiladag!

jol@skokassar.net — Tue, 08 Nov 2011 08:34:11 +0000

Bara fjórir dagar í síðasta skiladag Jól í skókassa 2011!!!

Hér má sjá frétt frá heimasíðu KFUM&KFUK frá því í gær um framvindu verkefnisins:

http://www.kfum.is/forsida/frettir/article/jol-i-skokassa-spraekir-gefendur-a-oellum-aldri-utbua-og-gefa-kassa/

Hér má sjá umfjöllun um Jól í skókassa í fréttum Stöðvar 2 í gærkvöldi:

http://visir.is/section/MEDIA99&fileid=VTV166D7231-54FB-4608-9BC7-5B7884E87008?fb_ref=top&fb_source=profile_oneline

Síðasti skiladagur í Vestmannaeyjum og á Ísafirði er í dag, mánudaginn 7. nóvember

jol@skokassar.net — Mon, 07 Nov 2011 09:33:17 +0000

VESTMANNAEYJAR:
Tekið verður á móti skókössum í Landakirkju. Hún er að jafnaði opin virka daga milli kl. 9 og 15. Síðasti skiladagur er mánudagurinn 7. nóvember.
Tengiliður er Gísli Stefánsson (849-5754).

ÍSAFJÖRÐUR OG VESTFIRÐIR:
Tekið verður á móti skókössum í Ísafjarðarkirkju. Hún er að jafnaði opin alla virka daga milli kl. 8:30 og 17. Síðasti skiladagur er mánudagurinn 7. nóvember.
Tengiliður er Aníta Björk (867-9049).