Einn úr hópnum okkar tók sig til og klippti saman myndband frá drefingu íslenskra skókassa í Úkraínu í janúar 2007. Myndbandið er rétt undir 10 mínútum í spilun.
Endanlegur fjöldi skókassa í ár var 4897. Það bættust við rúmlega 60 kassar eftir lokaskiladag og þar sem gámurinn var ekki sóttur fyrr en á miðvikudegi gátum við skellt þeim með. Lokatalan í ár er alveg ótrúlega nálægt lokatölunni í fyrra. Ég man ekki nákvæmlega hversu margir kassar söfnuðust í fyrra en það voru eitthvað um 4900.
Af gámnum er það að frétta að hann er í skipi á leiðinni til Hamburg. Skelli inn fréttum af ferð hans um leið og ég fæ nánari upplýsingar.
Takk kærlega fyrir að setja þetta saman og setja það á YouTube!
Ég verð að játa að ég táraðist af því að horfa, og þá gleðitár.. og ég tárast ekki auðveldlega af myndefni, verð kannski klökk, en að fá eitthvað til að renna niður kinnarnar… gerist mjög sjaldan…
Ég tók þátt í verkefninu í ár og það var svo gaman, var mjög spennt fyrir þessu, ætlaði að gera 1 kassa, en gerði 2…
Þegar ég sá þetta þá var ég enn glaðari yfir því að ég tók þátt, og hlakka til að taka þátt á næsta ári!
Takk fyrir frábært starf sem þið eruð að vinna!
Bestu kveðjur,
Andrea
Takk æðislega fyrir að setja þetta saman. Það er manni mjög dýrmætt að fá að fylgjast með. Ég segi eins og Andrea, ég táraðist af því að skoða myndbandið og það gerir þetta miklu raunverulegra og verður fyrir vikið svo nálægt manni. Þetta er frábært framtak og ferðalýsingin er nákvæm og mjög góð.Við höfum tekið þátt í þessu verkefni frá byrjun og sendum frá okkur 6 skókassa fyrir jólin. krakkarnir elska að fá að taka þátt í þessu verkefni og finna þau til mikillar samkenndar. Ég er búin að sýna þeim myndbandið og þau voru ekkert betri en ég.
Það er nauðsynlegt fyrir börnin að fá að taka þátt í þessu og hjálpa til við að pakka jólapappírnum utan um kassana og setja ofan í þá og sjá að það eru margir sem búa við mjög slæm kjör og þurfa á okkur að halda sem búum ekki við eins slæm kjör eins og mörg börn búa við í heiminum í dag. Það er nauðsynlegt fyrir alla að læra að gefa af sér öðrum til gleði og finna að það skilar sér þúsundfalt til baka, bara við það að sjá gleði barnanna og fl.
Bestu þakkir fyrir að leyfa okkur að taka þátt í ferðalagi ykkar. Það fyrsta sem ég hugsaði var, hversu æðislegt það er að fá tækifæri til að taka þátt í ferðalagi ykkar.